EREDIENS
Digbundel vir kerkgangers
Hansie Joubert
Uitgegee deur: Penjam Uitgewers
P
.O.
Box 19291
80 Courtenay Place
Reading Cinema
WELLINGTON, 6011
New Zealand
penjamboeke@gmail.com
ISBN: 978-0-473-18346-2
Kopiereg (2010) / Copyright (2010)
Hansie Joubert & Penjam Uitgewers
Versprei in samewerking met Smashwords
Smashwords Edition
Licence Notes
This ebook is licensed for your personal enjoyment only. This ebook may not be re-sold or given away to other people. If you would like to share tis ebook with another person, please purchase an additional copy for each recipient. If you are reading this ebook and did not purchase it, or it was not purchased for your use only, then please return to Smashwords.com and purchase your own copy. Thank you for respecting the work of the author.
Hierdie boek is onderworpe aan kopiereg en alle regte word voorbehou. Geen gedeelte van hierdie boek mag gereproduseer, in enige inligtingstelsel bewaar, of versend word in enige vorm of op enige manier, hetsy elektronies, meganies, klankopnames, of andersins, sonder die skriftelike toestemming van die uitgewer of die outeur nie. Resensente mag gedeeltes aanhaal vir die uitsluitlike doel vir ‘n regverdige resensie.
~~~~~~~~~
“Uit sy hart, ongesiens van tradisies en rituele, is hierdie verloop van die erediens ‘n voorbeeld van die onopgesmuktheid en ware siel van ‘n kerkganger wat in die Huis van die Here wil wees, nie net om gesien te word nie, maar om die Woord te ontvang in die gees waarin dit aangebied word.”
“Sonder voorbehoud en sonder vooroordele.”
“Voedsel vir die siel en die ideale metgesel op ons pad tussen eredienste.”
“Elke keer as ek hierdie bundel oopmaak ervaar ek die sielerus tipies van die erediens.”
“Die saligheid ervaar ek nou elke dag met hierdie bundel geopend…..”
aankoms by die kerk
votum
seëngroet
lofsang
die wet
skuldbelydenis
vryspraak
geloofsbelydenis
gebed om opening van die skrif
skriflesing
preek
pastorale gebed
offergawe
slotsang
seën
huis toe
binnekoms
die wêreld is ’n woestyn
droog
met droë uitdrogende
dorre winde
winde wat die mens vernietig
winde wat die mens doodmaak
winde wat stofstorms opjaag
stofstorms wat die mens laat verdwaal
’n woestyn met aasvreters
wat wag om die mens te verslind
op te vreet
wanneer die stryd teen droogte
die stryd teen dorswees te groot word
maar dan kom die mens die kerkgebou binne
’n oase
’n plek van lafenis
’n plek van oorlewing
hierdie kalmte kan deel word van my
ek kan deel word van hierdie kalmte
indien ek my oopstel
oopstel vir god
o heilige gees
maak my rustig
maak my kalm
maak my vatbaar
vatbaar vir u woord
lewegewende woord
plek van rus
die binnekant van die kerkgebou is koel
halfdonker
lig
tog beleef ek warmte
die warmte van saamwees
saamwees met ander
ander wat voel soos ek
ander wat pleit soos ek
pleit vir goddelike genade
genade van goddelike teenwoordigheid
goddelike teenwoordigheid wat verryk
verryk in die gees
verryk in menswees
menswees gewy aan god
god die skepper heer
die skepper heer wat ook instandhou
die skepper heer wat ook red
red uit sonde
plek van stilte
waar is daar stilte so stil
waar is daar vrede so vreedsaam
waar is daar rustigheid so rustig
so stil
so vreedsaam
so rustig
as in u huis my here en my god
maak dit so stil
vreedsaam
en rustig in my hart
dan kan ek die geruis
die stille geruis van u voetstappe hoor
in u huis
dan kan ek die fluistering
die lewegewende fluistering van u gees ervaar
in u huis
soeke
in sak en as
geledig van myself
kom ek hoor
kom ek na u huis
om te hoor van
sonde
geregtigheid
oordeel
maar ook van
vergifnis
opheffing
vrede
in u naam
deur u bloed
dit soek ek o heer
hier in u huis
koinonia
koinonia
saam wees met ander
saam wees met u kinders
om saam laag te buig
om saam op te staan
om saam lof te sing
om saam te aanbid
om saam te kom tot by u
want ons vergeet
tog so dikwels
u en u gees is hier by ons
rondom ons
binne in ons
altyd is u gees daar
ons staan bakhand
ons staan bakhand
ons smeek
ons bedel
om gawes uit u hand
gawes uit u hart
ons verwag die gawes
ons weet dit kom
daarom is ons hier
om seën
in oorvloed te ontvang
ek slaan my oë op
ek slaan my oë op na die berge
hoe sal ek oor die berge kom
berge met ondeurdringbare klowe
berge met onoorkombare kranse
maar ek weet
met my here spring ek oor ’n muur
met sy toerusting
bied ek die lewe die hoof
in sy teenwoordigheid
leef ek voluit
in sy teenwoordigheid
stap ek ligvoets
deur my voeteval
word my
lewenstaak
’n
roeping
rondom jerusalem is berge